لو الأهلي أو الزمالك هيحصل كدة؟.. "هاني سعيد" يحرج مذيع "أون سبورت" على الهواء
كتب: محمود جودة
أغلق هاني سعيد، المدير الرياضي لفريق بيراميدز الهاتف في وجه مذيع قناة "أون سبورت" خلال مداخلة هاتفية بعد تعادل الزمالك مع صن داونز في ذهاب نهائي دوري أبطال إفريقيا.
وقال هاني سعيد في مداخلته: "زي ما الكل عارف احنا عندنا مباراة بعد ثلاث أيام قبل إياب نهائي افريقيا،أنا بس عايز أقول لو الأهلي هو اللي مكاننا كان هيحصل فيه كده؟، لو كان حتى الزمالك مكاننا كان هيلعب المباراة دي؟".
وأضاف: "هما مبيقدروش غير علينا بس، أنا بقالي فترة طويلة ساكت ومش بتكلم نهائي، وفي تصريحات بتتنشر على لساني ومش صحيحة إطلاقا لأني متكلمتش أصلا، وكنت عايز أقول...".
وقاطع "محمد غانم" مقدم الاستوديو التحليلي عبر قناة "أون سبورت" هاني سعيد قبل إكمال حديثه قائلا: "يا كابتن هاني كل الناس خلف بيراميدز وبتدعمه وإن شاء الله الجماهير تكون خلفه يوم الأحد من استاد الدفاع الجوي. احنا هنا وقتنا ضيق علشان الاستوديو التحليلي وكنا حابين نباركلكم على نتيجة النهاردة".
ورد هاني سعيد على مقاطعة مذيع "أون سبورت" غاضبا بقوله: "أنا عايز اتكلم، وأنت مش عايزني أكمل كلامي يعني.. طيب شكرا سلام".
وتعليقا على ما حدث قال المحلل الرياضي أيمن يونس من داخل استوديو قناة "أون سبورت": "هاني زعلان جدا وواضح أنه كان مستني الرابطة تأجل مباراة سيراميكا، لأنه بيقول كلمة صعبة أوي؛ أن هل لو الأهلي اللي في مكاننا أو الزمالك كان حد هيسبهم يلعبوا المباراة دي، بيراميدز بيواجه ضغط كبير جدا".
