"لازم الزمالك يبيعه".. خالد الغندور يعلق على أزمة فتوح

هاجم الإعلامي خالد الغندور اللاعب أحمد فتوح، ظهير نادي الزمالك مطالبا مجلس الإدارة ببيعه في أقرب فرصة.

وتصاعدت أزمة اللاعب أحمد فتوح، ظهير نادي الزمالك خلال الساعات القليلة الماضية، بعد ظهوره في فيديو رفقة لاعب الأهلي إمام عاشور خلال حضور حفل في الساحل الشمالي.

وذكرت مدير الكرة بالزمالك أن فتوح كان قد حصل على إذن من مدربه بسبب مرض عمه لمغاردة معسكر الفريق المقام في العاصمة الإدارية استعدادا للموسم الجديد.

"لاعب قبل كده عمل مشكلة كبيرة مع مرتضى منصور عشان رفض يشارك في إحدى المباريات".

وأضاف: "بعد كده سافر الساحل عمل حادثة وتسبب في وفاة مواطن يعول أسرة، واتحبس شهرين ونص، وكان ممكن يقضي 5 سنين في السجن بتهمة القتل الخطأ".

وتابع: "ودفع ملايين في دية القتل، وربنا خرجه من الأزمة والحالة النفسية اللي مر بيها ويعديها، المفروض بعد كل ده يتعظ ويقرب من ربنا أكتر ويحمده على النعم".

وأضاف "الغندور": "الفريق خد أكتر من شهر إجازة كان ممكن تخرج فيه وتسافر وتنبسط، ليه لما تدخل المعسكر تستأذن عشان تروح حفله عامة والناس تشوفك هناك".

وقال "الغندور في تصريحاته: "ده استهتار وعدم تحمل مسؤولية، أنت بني آدم لا تتعظ، واحد اتحبس أكتر من شهرين ونص هيفرق معاه تحويل للتحقيق وغرامة مليون جنيه!، وقبلها كان عنده معسكر مغلق وخرج منه".

واختتم: "وقبلها كانت عنده مباراة ولما عرف إن فيه كشف منشطات، مرضاش يلعب الماتش بعد ما كان في التشكيل الأساسي، عشان كدا لازم الزمالك يبيعه".