حسام حبيب يعتذر لشيرين: أنتِ نجمتي المفضلة وحبيبة قلبي.. ومفيش بينا مشاكل
كتب: حسناء حسن
عبّر الفنان حسام حبيب عن تقديره الكبير للفنانة شيرين عبد الوهاب، مقدمًا لها اعتذارًا علنيًا عن أي خلاف أو إساءة قد تكون وقعت في لحظة غضب، ومؤكدًا أنه لا يوجد بينهما أي خلاف حقيقي.
وقال حبيب خلال لقائه مع برنامج ET بالعربي:"علاقتي بشيرين زي الفل، مفيش حاجة. الأخوات والأصحاب بيتخانقوا، وخناقتنا كانت بسيطة جدًا ولو الناس عرفوا تفاصيلها هيتضحكوا. شيرين فنانة عظيمة، مش بس صوت مصر.. دي صوت الوطن العربي كله".
وأضاف:"أنا بعتذر لها لو في يوم زعلت منها أو قلت حاجة تضايقها. بالنسبة لي، شيرين نجمتي المفضلة، وصوتها عبقري ميتعوضش، مفيش حد يقدر يملأ مكانها. بقولها يا حبيبة قلبي، يارب أشوفك دايمًا متألقة ومكسّرة الدنيا".
عرض هذا المنشور على Instagram
وعن الأزمة الأخيرة التي واجهتها شيرين بعد حفلها في مهرجان موازين، علّق حسام:"شيرين بتحترم جمهورها جدًا، بس كلنا بنمر بلحظات مش في أفضل حالاتنا. هي بتحب جمهورها أكتر من أي حد، وبتعتبرهم أهلها. وأنا شخصيًا، كنت بغير من جمهورها".
وختم رسالته قائلاً:"شيرين علمتنا يعني إيه الإصرار، يعني إيه حب حقيقي للفن والجمهور، ورغم صغر سنها، إحنا كلنا بنتعلم منها".
يُذكر أن حسام حبيب كان قد شارك مؤخرًا في حفل "أحاسيس" ضمن فعاليات موسم جدة يوم 18 يوليو، إلى جانب عدد من المطربين المصريين، من بينهم: هيثم شاكر، محمد عدوية، لؤي، أحمد فريد، وكريم محسن.
