مريم أمين: احنا مش عايشين لوحدنا.. حافظ على شكلك وسيب انطباع حلو للناس
كتب: نسرين إبراهيم
وجهت المذيعة مريم أمين، نصيحة إيجابية لجمهور برنامجها "اتفقنا" المذاع على نجوم FM، لتطوير الشخصية واكتساب الثقة في النفس.
وقالت مريم أمين عبر برنامجها: "الشغل على نفسك ده للنفس في المقام الأول، بس احنا مش عايشين لوحدنا، احنا عايشين في وسط ناس، مهم جدا الشكل ومهم جدا الانطباع اللي أنت بتسيبه عن نفسك، ومهم جدا لما تدخل مكان الناس تبقى شايفك مترتب ومش لازم أغلى الحاجات.. إنك تكون شيك بأقل التفاصيل.. علشان إنتي عارفة حلاوتك تبقى إزاى وأنت عارف شياكتك تبقى إزاى.. ده مهم جدا"
وأضافت: "ده تطور في الشخصية والشكل يخص الناس في حاجة بسيطة لما تقابلك وتسيب انطباع حلو عندهم بنسبة 20%، ويخصك أنت وثقتك في نفسك بنسبة 80%".
وتابعت: "المشاعر بتختلف لما بتطور نفسك علشان أنت بتحب النجاح علشان أنت بتحب التميز علشان حاطط هدف قدامك، علشان حابب تشوف نفسك كمان كذا سنة في المكان الفلاني، إذن في خطوات أو محطات هتمشي فيها".
View this post on Instagram
