أسما شريف منير توجه رسالة لجمهورها: «الأمل هو النور في أوقات العتمة»
كتب: سماح غنيم
لفتت الإعلامية أسما شريف منير الأنظار في أحدث ظهور لها بالحجاب، حيث شاركت متابعيها عبر حسابها الرسمي على «إنستجرام» رسالة مؤثرة عن الأمل وأهميته في مواجهة التحديات.
وقالت أسما: «أنا مؤمنة إن مفيش أهم من الأمل، الأمل هو اللي ينور لنا الطريق وقت العتمة، يمكن يتأخر أو يتلخبط شوية، بس عمره ما بيروح، هو اللي بيخلينا نقوم بعد كل مرة نقع فيها، واللي بيخلي حلمنا يفضل عايش جوانا مهما كانت الظروف صعبة».
وأضافت: «ده بالظبط اللي أنا شايفاه في دوري ودور مجتمع عالم تاني: إننا نحافظ على النور ده ونشاركه مع بعض.. إحنا مش مجرد مكان أو ورش، إحنا عيلة من فنانين مؤمنين إن الفن رسالة، رسالة بتقول: إنت مش لوحدك، صوتك مسموع، ولسه في نور قدامك حتى لو الطريق طويل».
وتابعت: «أي عمل فني فيه أمل وضُي مش رفاهية، هو حاجة محتاجينها عشان نكمّل، وفي الآخر الأمل فعل، والضُي إحنا».
