سما المصري عن شائعة «عايزة راجل يشكمني»: ماقولتش كده لا زمان ولا دلوقتي
كتب: سماح غنيم
خرجت سما المصري عن صمتها لتوضح حقيقة تصريحات منسوبة إليها تم تداولها مؤخرًا عبر مواقع التواصل الاجتماعي، تضمنت جملة: "عايزة راجل يشكمني".
ونشرت سما مقطع فيديو عبر حسابها الرسمي على إنستجرام، نفت فيه تمامًا ما نُسب إليها، قائلة: "في ناس بتبعتلي أخبار وتطلب مني أرد عليها، وأنا ساعات مبكونش عايزة أرد، لكن علشان خاطر الناس برد.. في خبر بيقول إني قلت (عايزة راجل يشكمني)، وده محصلش لا زمان أيام ما كنت عايشة حياتي وطايحة، ولا دلوقتي بعد ما ربنا هداني وتحجبت".
وأضافت: "في ناس بتجيب سيرتي وبتشتم، وأنا لا برد ولا بقاضي حد عشان أكل عيشي، بس ياريت الناس تهدى شوية، أنا ست كويسة وأعرف أشكم نفسي".
ويأتي هذا الفيديو بعد انتشار واسع للتصريحات المزيفة عبر بعض الصفحات، ما دفع الفنانة إلى توضيح موقفها وقطع الطريق على الشائعات.
