محمد علي رزق: بعض الصفحات تنتهك خصوصية الفنان وتضر بسمعة الصحفيين

طالب الفنان محمد رزق عبر حسابه على موقع التواصل الاجتماعي فيسبوك، الجهات المعنية إلى جانب نقابتي المهن التمثيلية والصحفيين، بضرورة ملاحقة الصفحات التي تنشر فيديوهات الفنانين بعناوين غير لائقة أو مسيئة، مؤكدًا أن هذه الظاهرة تسيء للفن وللرأي العام على حد سواء.

وقال رزق في منشوره: «كمية الناس اللي معاها موبيلات وبيحضروا أي مناسبة فيها فنانين، بيقعدوا يصوروا فيهم و ينزلوا reels مكتوب عليها أي عنوان يثير الفضول علشان يعملوا مشاهدات على صفحاتهم بقت مخيفة».

وأضاف الفنان المصري: «أتمنى يبقى فيه حل قانوني لقفل الصفحات دي، أو للقبض على الناس دي علشان بصراحة الموضوع زاد عن حده أوي، علشان العناوين بقت قمة في السفالة وبقى فيه اختراق خصوصية بشكل مخيف».

واختتم بقوله: «وأتمنى إن  اتحاد النقابات الفنية التلاتة ونقابة الصحفيين يجتمعوا ويقدموا بلاغ، علشان الصحفيين أول ناس سمعتها بتتضر بسبب الناس دول.. الناس دي بتستخبى وسط الصحفيين المحترمين اللي أغلبهم أصدقاءنا».