حازم إمام بعد وفاة محمد صبري: "الكورة مش دين ولا وطن والدنيا مش مستاهلة"
كتب: محمود جودة
وجه حازم إمام، نجم الزمالك الأسبق، شكرًا خاصًا لوفد النادي الأهلي الذي شارك في جنازة محمد صبري نجم الزمالك الراحل، وذلك خلال ظهوره عبر قناة "أون سبورت".
وقال حازم إمام: "بشكر الناس اللي جت من الأهلي جنازة محمد صبري؛ سيد عبدالحفيظ، وليد سليمان، وطارق قنديل.. في الكورة كلنا بنحب بعض، وإحنا مش بنكره بعض ولا بنشتم بعض ولا بنعاير بعض. إحنا حاجة واحدة، بس في وقت الضيق ووقت الوفاة بنقول الكلام ده، وبعد يومين تلاتة نرجع نشتم بعض".
وأضاف: "لما حد يقول كلمة عن الأهلي بيشتموا ويتريقوا عليه، ونفس الكلام عن الزمالك. أتمنى الناس تشوف الموت.. دي كورة بنستمتع بيها ونرجع نشوف حياتنا. لا بتأكلنا ولا بتعيشنا، ولا هي دين ولا وطن.. الدنيا مش مستاهلة كل ده".
وكان محمد صبري، نجم الزمالك السابق، قد توفي في حادث سير أليم فجر أمس الجمعة، ما أثار حالة من الحزن في الوسط الرياضي المصري.
