المنتج محمد العدل يدافع عن محمد صبحي بعد انفعاله على السائق

 دافع المنتج محمد العدل، الفنان محمد صبحي بعد الهجوم الذي تعرض له في الساعات الماضية، عقب انتشار مقطع فيديو له مع سائقه.

وكتب العدل في منشور عبر موقع التواصل الاجتماعي فيسبوك: «بقت قلوبكم غليظة، وقساه، والترند عندكم أهم من اى حاجة برغم ان موضوع محمد صبحى خد اكتر من حجمه وما كنتش احب اتكلم فيه».

وأضاف: «لكن لما تقول لى لازم يراعى سن السائق انتوا كمان راعوا سن محمد صبحى اللى اكبر من السائق  وقد قارب على الثمانين وراعوا ظروفه الصحية، وراعوا ان فيه ناس لازقة الموبايل فى وشه وبتصوره وهو متنرفز وراعوا انه اتصل به ولم يرد، وكلم حد يشتكى انه مش عارف يوصل للسواق».

واختتم بقوله: «وفى الاخر  خد العربية ومشى ولم يقل للسائق اجرى ورايا، هو اللى جرى ورا العربية، لقمة عيشه صحيح  و من حقه بيتشبث بها، لكن هو اللى غلطان مش صبحى، والا إدانة اى فنان بقت هى اللى بتجيب الترند؟».

وكان قد رصد مقطع الفيديو، غضب وانفعال محمد صبحي، على سائقه بسبب عدم تواجده في محيط السيارة عقب خروجه من تكريم كان يحصل عليه، وطلب صبحي منه المفتاح ليقود السيارة بنفسه، بينما ظهر السائق وهو يرقد وراء الأخير بعد أن تحرك بالسيارة دون أي استجابة.