"خرج أخويا من القضية إحنا اتصالحنا بقى".. شقيق شيرين عبد الوهاب يكشف تفاصيل مصالحته معها

كشف محمد عبد الوهاب، شقيق الفنانة شيرين عبد الوهاب، تفاصيل جديدة حول أزمته معها بعد صدور أمر ضبطه وإحضاره في واقعة التعدي عليها.

وقال محمد عبد الوهاب عبر حسابه الشخصي على فيسبوك:
"وحق كتاب الله الكلام ده بالحرف حصل وربنا شاهد، من حوالي شهر اتصالحنا، وكان عندها ميتنج مع شركة عايزة تمضي معاها، وكنا عند موزع شهير مش حابب أذكر أسماءه، بس هو كان موجود وإحنا في الميتنج".

وأضاف:
"واحد كده معرفوش قالي عايز رقم حضرتك ده تبع المحامي، قالي أصل المدام كلمت الأستاذ، وإحنا داخلين وقالت له بالحرف كده: خرج أخويا من القضية، إحنا اتصالحنا بقى. والله الكلمة كإنها قلم نزل على وشي، خرج أخويا يعني أنا مش مدان، ولا تربحت ومضيت عقد من وراكي، لا أنتي بتدخليني وتخرجيني حسب مزاجك بقى ورحمة أبويا هقلب عليكم. أنا بقى عندي إثبات بكل كلمة بحق ربنا مش زور زيك، والبلد فيها قانون".