إيمان الحصري تتحدث عن أزمتها الصحية: عدتُ من الموت.. وسمعتهم بيقولوا دي مسألة وقت

تحدثت الإعلامية إيمان الحصري، عن أزمتها الصحية الكبيرة التي مرت بها، وأجبرتها على قضاء عام كامل بين المستشفيات، وخضوعها لسبع عمليات دفعة واحدة.

وقالت إيمان الحصري، في لقاء لها مع الإعلامية هبة حيدري، من خلال بودكاست "منا وفينا": "تجربة أزمتي الصحية كانت كلها صعبة، وتجربة كانت أقوى من احتمالي، أوقات أحس إن كان بيتهألي أو كابوس، لأن دخلت جراحة المفروض أطلع منها في نفس اليوم لكن خرجت منها بعد سنة، وحصل خطأ طبي، بداية من التشخيص حتى الجراحة نفسها، والإهمال وده تسبب في سلسلة من العمليات وفضلت فترة طويلة داخل المستشفى وسافرت لأن العلاج الخاص بحالتي كان غير متوفر في مصر".

وتابعت: "أصعب حاجة في تجربة المرض، إن الواحد يسمع الناس بيتكلموا عليه بضمير الغائب، من كتر حالتك إنها ميؤوس منها، وكنت بتنقل من مستشفى إلى المستشفى وأول مرة أركب الإسعاف، سمعتهم بيقولوا لبعض دي مسألة وقت وساعات.. شعرت بالعجز، لكن مفيس استسلام، وحسيت أنها مش ساعات أنا لسه قاعدة معاكم شوية".

وعن ما كانت تشاهد في فترة مرضها وعدم وعيها الكامل، قالت :"شوفت أوهام وخيالات كتير وكأن في باب بيتفتح وبدخل لباب تاني، ومش عارفة إذا كان ده من كتر المسكنات والأدوية ولا حقيقي".

وأضافت: "عملت 7 عمليات، وآخر واحدة هي كانت الأصعب وحسيت أنهم بيقضوا واجب، وإن مفيش حاجة تتعمل، بس كان في ربنا ودعوات الناس وإرادة المريض".