"بنفوت بمزاجنا".. منة عدلي القيعي تثير الجدل برسالة غامضة
كتب: نسرين إبراهيم
وجهت الشاعرة منة عدلي القيعي، رسالة غامضة، أكدت فيها أن علاقاتها دائمًا قائمة على الاحترام المتبادل وحسن النية، ولا تلتفت إلى أن بعض الأشخاص المسيئون.
وقالت منة عدلي القيعي، في منشور لها عبر حسابها الرسمي على موقع التواصل الاجتماعي "فيس بوك": عايزة اقول حاجة بكل حب واحترام والكل يعلم اني الحمد لله علاقتي بالكل جميلة وسوية والاحترام دايما متبادل، ومع ذلك احيانا الناس بتتعامل مع سلاستك واحترامك وسهولتك وكرمك وانك مش ميت علي الشغل او الفلوس او او او ب شئ من الاستغلال، او الاستحقاقية او التساهل.
وتابعت: "أعتقد إن فيه ناس تصورت مع الوقت ان الواحد احترامه او عدم طمعه معاهم دا ضعف او يمكن سذاجة بس هي الحقيقة بتبقي ان الواحد بيتفرج من بعيد وبندي فرصة والتانية لعل وعسي اللي قدامه يستوعب انه احنا بنفوت بمزاجنا، والمركب مشيت المرات اللي فاتت بس عشان احنا ماسيبناش ايدينا مش اكتر".
واستكملت: "جماعة احنا اللي لينا عنده حق، هنسيبه، مش هنتخانق… وهو الخسران ٢٠٠٪، واللي لينا عنده فلوس هنسيبها ومش هتنخانق وهو الخسران ٢٠٠٪، واللي لينا عنده شغل، او كلمه، او اتفاق، او عقد، او فكرة او صداقة او عشرة او او او، هنسيبه ايا كان، مبروك عليكوا ما سعيتوا اليه… صدقوني، خسارتنا اكبر بكتير من الرفايع دي، احنا باصين من فوق، ويمكن عشان كدا شايفين الامور من زوايا مختلفة بس، ويظل اجمل ما في الايام، انها شوافة.. كل الحب والاحترام والتوفيق لكل الناس".
