"استنيت دوري سنين".. سالي عبد السلام توجه رسالة مؤثرة لجمهورها بعد إعلان خبر حملها

بعد إعلان خبر حملها، عبّرت الإعلامية سالي عبد السلام عن فرحتها الكبيرة بتلقي دعوات محبيها وجمهورها، وذلك خلال استضافتها في برنامج صبايا الخير مع الإعلامية ريهام سعيد على قناة النهار.

وقالت سالي عبد السلام، في رسالة لجمهورها عبر "فيسبوك": "بسم الله نبدأ 2026 ببركة ورزق وهبة من الله.. أنا كان نفسي إني أحط فيديو على الأغنية دي أوي والله، أنا من امبارح عايزة أعيط من جمالكم بجد! أنا شفت دعوات عمري ما شفتها في حياتي..شكراً من قلبي، كل اللى حواليا قالولى متقوليش..اسكتي.. قولي لما تولدي..بس حقكم تعرفوا".

وأضافت سالي عبد السلام: "حقكم إنكم تعرفوا دعواتكم اللي شوفتها وسمعتها أو اتقالتلي في وشي إن ربنا كرمني بيها وبكل واحد فيكم…وده سر قوتي وعمري ما بنسى، لما الناس بتقولي اشمعنى انتي بيدعولك أو بيحبوكى بخاف اتحسد عليها".

كما كشفت عن خسارتها لتؤام، قائلة: "اه دعوات الناس تغير الأقدار ومستجابة أكتر من دعواتي لنفسي، لو قولتلكم إني استنيت دوري سنين عشان ربنا يرزقني الرزق  والهبة دي عارفة انكم هتصدقوا ..الحمدلله خسرت تؤام بس ليا بيتين في الجنة وبدعواتكم ربنا كرمني وهيكرمني وهيكملها على خير وهيبقى معايا زينة الحياة الدنيا واللي يوهبه رضا أى كان ….وهو على هين..الوهاب".

وأنهت رسالتها، قائلة: "عايزة دعوات كتير اوى، اكتر من الدعوات اللى فاتت والله عشان الطريق مش سهل وكل شوية يحصل حاجة تصعب المشوار ومضاعفات وكل شوية اخاف اكتر…أضعاف ما دعيتم وتمنيتم يا رب ربنا يرزق كل واحد نفسه يا رب".