نجوى فؤاد: معاشي 700 جنيه أعمل بيهم إيه.. ومقدرش أشتغل بسبب حالتي الصحية

 تحدثت الفنانة نجوى فؤاد عن وضعها الصحي وبعض الأمور الشخصية والمادية التي تعيشها في الفترة الأخيرة، في لقاء حصري مع الإعلامية سهير جودة عبر حلقات صفحتها على فيسبوك.

أكدت نجوى أنها أجرت ثلاث عمليات تردد حراري، لكنها لم تشعر بتحسن كامل، مشيرة إلى أن المشكلة الرئيسية تكمن في القطنية والعصب الملتصق بها، وهو ما يجعل الجراحة من أصعب العمليات وأخطرها. وأضافت: "الدكاترة الكبار حاولوا يخوفوني، والحركة دلوقتي أحسن، بس لسه محتاجة حد يكون جنبي".

وعن الدعم المادي من نقابة المهن التمثيلية، قالت نجوى بصراحة: "ما فيش أي دعم، والنقابة مش بتسأل عن حد. الحقيقة، أشرف زكي زارني وسألني عن معاشي، أنا ست مش متجوزة وما عنديش عيال، وقال لي المعاش حوالي 600 أو 700 جنيه، مش أكتر. ضيعت 47 سنة في الوسط الفني، وما شوفتش شبابي ولا مراهقتي، وما عشتش زي الناس، علشان آخد 700 جنيه في الشهر… دول أعمل بيهم إيه؟" وأضافت: "قال لي إنه مقدم مذاكرة وربنا يسهل".

وأوضحت نجوى أن حالتها الصحية تمنعها من العودة للعمل، مشيرة إلى صعوبة الحركة لديها: "ممكن أشتغل نظريًا، بس الحركة ضعيفة جدًا، ومش هقدر أطلع على السلم أو أتحرك كتير. ده اللي مخليني ما أشتغلش، لأني مقدرش أضحك على الناس".

من جهة أخرى، كشفت الفنانة عن أسماء زميلاتها اللواتي يحرصن على السؤال عنها باستمرار، وقالت: "يسرا، وفيفي عبده أكتر من مرة، ومنة جلال دايمًا بتسأل، ومنة فضالي، وكمان بعض أصحابي من خارج الوسط الفني".