فيدرا: أنا محظوظة

أثارت الفنانة فيدرا الجدل خاصة بعد منشورها الأخير التي أوضحت من خلاله أنها تشعر بالحظ والامتنان في آخر كل يوم خاصة في ظل الأحداث الراهنة، وذلك من خلال حسابها الرسمي على موقع التواصل الإجتماعي فيسبوك.

وعلقت فيدرا:

“بصحى الصبح وأحاول ما أبصّش على الأخبار، وبعدين ببص فأدخل في مود وحش، أقلب شوية، ألاقي حاجة تضحّكني، أضحك، أطلع الجنينه، أشوف الورد الجديد، أبتسم، يرن التليفون، صاحبة مكتئبة، أحزن، أقفل أتمدد على النجيلة، أبصّ للسما وأهدى، تيجي لي أفكار عن المشروع أقوم أدخل أكتبهم قبل ما يطيروا، أنا مش بحب أضغط على نفسي، دي أيام الضغط فيها مؤذي، بمشي مع إحساسي بس عقلي بيقولي لمّي نفسك شوية، فأحط ضغط صغير جدًا يخلّيني أعمل اللي لازم".

وأضافت:

"وكل يوم الضغط الصغير ده بيزيد وإحساسي بالالتزام بيقوى تاني واحدة واحدة، وبعدين الليل يقرب وأحس بأحلى حاجة الامتنان، إن اليوم خلص وإني عملت وحسّيت بحاجات كتير، أقعد على الكنبة أتفرج على مسلسلي المفضل، أبص لحيواناتي وأعرف اد ايه أنا محظوظه، وأتمنى أصحى على يوم أحسن، لنفسي و للدنيا، تصبحوا على خير.”