تامر حسني يعلق على حفله الأخير في إحدى المدارس وحب الأطفال له

عبّر النجم تامر حسني عن سعادته الكبيرة بالحفل الغنائي الذي أحياه داخل إحدى المدارس، مساء أمس الجمعة، حيث شارك جمهوره لحظات مميزة من كواليس الحفل عبر حسابه الرسمي على إنستجرام.

ونشر تامر فيديو من أجواء الحفل، ظهر فيه التفاعل الكبير من الأطفال، الذين رددوا أغانيه بحماس لافت، ما أضفى أجواء مليئة بالمشاعر والذكريات.

وعلق الفنان على الفيديو قائلاً:
«حفلة امبارح بالنسبة لي مليانة معاني كتير أوي جميلة أثرت فيا، وكأن التاريخ يعيد نفسه مع الأجيال الجديدة، أول حاجة حفظ الجيل الصغير الجميل ده كل أغانيّا، زي ما انتوا شايفين من يوم ما غنيت لحد النهاردة، والأهم بقى درجة الحب الاستثنائية اللي ربنا هداني بيها منكم، من مشاعر صادقة انتج عنها دموع أطفال بريئة، لا يمكن يجاملوا.. مش قادر أنسى دموعهم عشان كنت بودعهم وماشي».

وأضاف:
«والله معرفش إنكم بتحبوني كده، حبايبي أنا بحبكم أوي أوي، ربنا يحفظكم لأهاليكم وتكبروا، وتفضلوا تحبوني كده زي اللي قبلكم اللي بيقروا كلامي دلوقتي الصغننين اللي كبروا وبقوا شباب زي الورد، ألف شكر لكم، الحمد لله على محبتكم».