أشرف زكي: هكشف تفاصيل مهمة بعد جنازة هاني شاكر.. ولا بد من ضبط المتربصين بالمناسبات
كتب: حسناء حسن
قال الدكتور أشرف زكي، نقيب المهن التمثيلية: “في كلام كتير هنقوله، لكن خلينا نخلص الأول من الجنازة، وبعدها هتكلم وأكشف تفاصيل مهمة من خلال جلسة مع نقيب الصحفيين، وهتعرفوا ليه اتاخدت الخطوة دي، ونقابة الصحفيين عملت حاجة مهمة جدًا ونتمنى تنجح”.
وأضاف خلال مداخلة ببرنامج اليوم هنا القاهرة على قناة مودرن: “لازم يكون في تنظيم واضح، ومينفعش نسيب الأمور كده، خصوصًا مع وجود ناس بتستغل أي حدث عشان تعمل تريند على حسابنا وإحنا بنفقد رموزنا”.
وتابع: “في ناس بتعمل محتوى على حساب الجنازات والمناسبات دي، وأنا رصدت بالفعل مجموعة منهم، ولازم يتوضع حد للموضوع ده، لأن في استغلال غير مقبول للظروف الإنسانية”.
وأشار إلى أن نقابة الصحفيين اتخذت خطوة تنظيمية مهمة عبر استمارة تسجيل لتغطية جنازة الفنان الراحل هاني شاكر، ضمن بروتوكول تعاون يهدف لضبط التغطية الإعلامية.
