صبري فواز يتحدث عن أداء محمد هاني أمام بلجيكا

أعرب الفنان صبري فواز عن إعجابه الكبير بأداء محمد هاني، لاعب منتخب مصر، خلال مواجهة بلجيكا في افتتاح مشوار الفراعنة ببطولة كأس العالم 2026، والتي انتهت بالتعادل الإيجابي بهدف لكل فريق.

وكتب فواز عبر حسابه الرسمي على موقع «فيسبوك»: «محمد هاني عامل ماتش كبيييير»، مضيفًا: «أبطل مفعول أخطر وينج شمال في العالم، عشان ماننساش بس»، في إشارة إلى الأداء الدفاعي المميز للاعب خلال اللقاء.

وفي سياق آخر، استعاد صبري فواز ذكرى مؤثرة مع الفنان الراحل عبدالرحمن أبو زهرة، من خلال موقف رواه عبر حسابه، حيث قال: «واحد بلدياتي كان رأيه أن التمثيل ده حاجة تافهة والممثلين دول بيعملوا أيه يعني، في يوم كده قاعدين مجموعة بندردش بعض الحاضرين بدأوا يقولوا كلام مديح، وأنا في المواقف دي باخجل وأقعد أقول الله يخليك، دي عينك اللي طيبة، تسلم».

وتابع: «وفجأة صاحبنا إياه ده قال بصوت عالي: صدقهم التمثيل ده موضوع كبير قوي، فأنا قلت له باندهاش: غريبة يعني يا أبو حميد إن أنت اللي تقول كده».

وسرد فواز تفاصيل الموقف قائلًا: «قال لي: عارف بس الله يكرمه بقى (عبد الرحمن أبو زهرة) قلب لي دماغي، قلت له: إيه شوفت لقاء مع أستاذ ابو زهرة؟، رد عليا لا دا مشهد شوفته بالصدفة كده وإحنا بنتعشى في مسلسل جمهورية زفتى لما أبو زهرة قاد جمع الناس وعملوا وقفة قدام القسم و خرج المأمور هددهم إنه هيعد لحد عشرة ولو مامشيوش هيضرب في المليان، وقعد يعد وكل ما العد يزيد عدد الناس يقل لحد عدد 8 أبو زهرة بيبص وراه مالقاش ولا واحد».

وأضاف: «ما أقولكش على شكله ساعتها، تلاتة بالله العظيم يا جدعان الراجل وشه أصفرّ قدام عيني، لا رهيب».

واختتم حديثه قائلًا: «افتكرت الحكاية دي النهارده، ربنا يرحمك ويسامحك و يسعدك في جنته يا أستاذ».