تامر عاشور وحسن الشافعي يحسمان جدل صوت الكلب في أغنية «متلخبطة أحوالي»
كتب: hasnaa hassan
أثار الفنان تامر عاشور حالة من الجدل خلال الأيام الماضية، بعد تداول عدد من رواد مواقع التواصل الاجتماعي مقاطع من أغنيته «متلخبطة أحوالي»، زاعمين وجود صوت يشبه نباح كلب ضمن الموسيقى المصاحبة للأغنية.
وحسم تامر عاشور الجدل، من خلال مقطع فيديو نشره الموزع والمنتج الموسيقي حسن الشافعي عبر حسابه على إنستجرام، حيث سأله مازحًا: «إيه حكاية صوت الكلب اللي في الأغنية؟».
ورد تامر عاشور قائلًا: «صحيت لقيت ناس بتتكلم على صوت الكلب، وشوفت أول تعليق أول ما الأغنية نزلت، هو مش كلب، لكن بعد كده لقيت التعليقات زادت جدًا، وفي الآخر بقيت سامع نفس اللي الناس بتقوله».
من جانبه، أوضح حسن الشافعي أن الصوت المتداول ليس صوت كلب، وإنما مؤثر صوتي بشري، مضيفًا: «أنا في لحظة شكيت في نفسي، وفيه نظرية بتقول إنك لو سمعت الصوت الصح ممكن يروح، فحاولت أخلي الناس تسمع الحقيقة، لكنه مهما حصل ناس كتير هتفضل تسمعه صوت كلب».
ودخل الثنائي بعدها في وصلة من المزاح، إذ قال تامر عاشور: «إحنا يا نشيله يا نخليه»، ليرد حسن الشافعي: «إحنا نربيه، بس المرة الجاية هنربيلكم حاجة مختلفة»، ليمازحه عاشور قائلًا: «هنربيلهم سحلية».
وفي ختام الفيديو، اقترح تامر عاشور إجراء تصويت بين الجمهور لحسم الأمر، سواء بالإبقاء على المؤثر الصوتي المثير للجدل أو حذفه من الأغنية.
