بعد حضورها جنازة ياسمين أبو النجا ابنة نجلاء فتحي.. فيدرا: مش حاسة إني طبيعية

وجهت الفنانة فيدرا رسالة مؤثرة إلى متابعيها عبر مواقع التواصل الاجتماعي، عقب مشاركتها في جنازة ياسمين أبو النجا، ابنة الفنانة المعتزلة نجلاء فتحي، التي رحلت عن عالمنا إثر تعرضها لأزمة قلبية.

وكتبت فيدرا عبر صفحتها الرسمية على موقع «فيسبوك» رسالة عبرت خلالها عن حالة الحزن والصدمة التي انتابتها عقب حضور مراسم تشييع جثمان ياسمين، قائلة: «الشيء الوحيد اللي بفكر فيه دلوقتي إني عايزة النهارده يخلص. عايزة الليل ييجي. عايزة أنام وأصحى بكرة، وساعتها النهارده مايبقاش موجود، مش عايزة النهارده يفضل. عايزاه يخلص. عايزة أبدأ يوم جديد ماحسش فيه بالإحساس ده».

فيدرا تكشف تفاصيل حالتها بعد جنازة ياسمين أبو النجا

وأضافت فيدرا في منشورها: «عندي إحساس غريب أوي، مش عارفة أوصفه بالكلام، بس أنا عارفة إن الإحساس الغريب ده مش إحساس كويس. خرجت من جنازة ياسمين وروحت البيت، ومش حاسة إني طبيعية. ولا حاجة في النهارده طبيعية. ولا حاجة من اللي حصل إمبارح بالليل طبيعية».

وأشارت إلى أن رحيل ياسمين ترك لديها شعورًا مختلفًا عن تجارب الفقد التي مرت بها من قبل، موضحة: «حاسة إني عايزة كل ده يخلص، غريب أوي إزاي حد يكون موجود وفجأة مايبقاش موجود. مش موجود بشكل نهائي، حاسة إن في حاجة عازلة بيني وبين الدنيا… زي الحجاب. حيطه. الدنيا بعيده. الإحساس غريب أوي».

رسالة فيدرا بعد رحيل ياسمين أبو النجا

واختتمت فيدرا رسالتها بالتعبير عن شدة تأثرها برحيل ياسمين أبو النجا، قائلة: «أنا عديت على موت كتير، وجنازات كتير، وناس كانوا أقرب لي بكتير. لكن النهارده بالذات غريب جدًا. حاجة مختلفة تمامًا، أنا بس عايزة النهارده يخلص. عايزة أنام، وأصحى بكرة، وأكون خلصت من اليوم ده».

وكانت جنازة ياسمين أبو النجا قد شهدت حضور عدد من أفراد أسرتها وأصدقائها، وسط حالة من الحزن الشديد، بعد رحيلها إثر تعرضها لأزمة قلبية مفاجئة.