"راضي بقضاء ربنا".. أول تعليق من عمرو الجزار بعد إصابة الصليبي

علق عمرو الجزار مدافع فريق الأهلي، على الإصابة التي تعرض لها بقطع في الرباط الصليبي، خلال مباراة فريقه أمام المقاولون العرب، مساء أمس الأربعاء، ضمن منافسات الجولة الرابعة من عمر مسابقة الدوري المصري.

كتب الجزار، عبر حسابه الشخصي بموقع "إنستجرام": "الحمد لله على كل حال، وفي كل وقت يمكن الإصابة دي تكون من أصعب الاختبارات اللي مريت بيها، لكني مؤمن إن كل حاجة بتحصل بقدر ربنا ولحكمة يمكن لسه مش شايفها".

وأضاف: "أنا راضي بقضاء ربنا، وصابر، وشاكر على كل نعمةٌ في حياتي، وشاكر أكتر على كل الحب والدعاء اللي شوفته منكم في الوقت ده. رسائلكم، دعواتكم، وكلامكم كان ليهم أثر كبير عندي، ومش هنساه".

وتابع: "أنا مؤمن إن ربنا مش بيأخذ حاجة إلا وبيعوض، وإن بعد كل صبر فرج، وبعد كل صعوبة قوة جديدة.. هبدأ رحلة العلاج والتأهيل بكل إيمان وصبر، وإن شاء الله أرجع أقوى من الأول.. دعواتكم ليا، الحمد لله دائمًا وأبدًا".