السيسي لـ«مكتشف فيروس سي»: «لي عظيم الشرف بمقابلة حضرتك»

قام الرئيس عبدالفتاح السيسي، بالترحيب بجميع المشاركين في المؤتمر الطبي الأفريقي، مضيفا: "أرحب بكل المشاركين والجهد الكبير اللي أتعمل في إخراج المؤتمر بالشكل ده، وأتمنى إن تحياتي واحترامي للدكتور هارفي تصل إليه، وتحدثت معه خلال جلسة الاستراحة".

ووجه الرئيس السيسي خلال افتتاح المؤتمر الطبي الأفريقي الأول، حديثه لمكتشف فيروس سي دكتور هارفي، قائلا: "اسمح لي أقدم لك كل التحية والتقدير والاحترام وأشكرك، عاوز أقولك إن أنا ليا عظيم الشرف أني التقيت وشوفت حضرتك، واسمحلي أقولك تاني إن إحنا في مصر وعلى المستوى الشخصي كنت شايف إن المرض ده مؤلم، وكنا نعاني منه، لكن لو فيه إرادة وأمل هايبقى فيه إنجاز، وبالتالي لما كنت أقول زمان محدش قادر يكتشف لنا مرض فيروس سي وأيضا علاج ليه، لقينا مجرد أن كانت النوايا كده، كان دايما هاجس وأمر بفكر فيه بعمق، فربنا سبحانه وتعالى خلاني أعيش وأشوف المرض ده، وأشوف علاجه ويخيليني أساهم في بلدي إن أنهى هذا المرض في مصر".