رضوى الشربيني تهاجم مبروك عطية: يعني البنت تتحجب عشان متتقتلش؟
كتب: محمود جودة
هاجمت الإعلامية رضوى الشربيني الشيخ مبروك عطية، بعد تعليقه على مقتل الطالبة نيرة أشرف، والتي طالب فيها الفتيات بالحجاب والملابس الواسعة حتى لا يتعرضن للقتل.
وقال مبروك عطية في تصريحاته: "المرأة والفتاة تتحجب عشان تعيش، وتلبس واسع عشان متغريش، لو حياتك غالية عليكي اخرجي من بيتك «قفة» لا متفصلة ولا بنطلون ولا شعر على الخدود عشان وقتها هيشوفك اللي ريقه بيجري ويقتلك".
وردت الإعلامية رضوى الشربيني في تغريدة لها على هذه التصريحات بقولها، يعنى بدل ما تتحجب علشان ترضى ربنا تتحجب علشان ما تتقتلش؟؟ وده حضرتك رأى الدين ولا بطلع فتوى ومبرر أنه اللى مش محجبة تتقتل عادى!".
وأضافت: "بدل ما تتطلع تقول للرجاله اتقوا الله فى الستات و البنات…بتقولها انزلى من بيتك قفه؟؟و المسيحيه تعمل ايه يا سيدنا الشيخ تتحجب هى كمان؟".
