ميار الببلاوي تستغيث بالجمهور بسبب طلب غريب من سيدة

طلبت الفنانة والإعلامية ميار الببلاوي، من جمهورها المساعدة في حل مشكلة وقعت فيها، حيث طلبت منها سيدة لا تربطها بها أي صلة الإقامة في منزلها لحين البحث عن دار تسكن بها، وهو ما جعلها في مأزق خصوصا من رفض نجلها الأمر.

وكتب ميار الببلاوي عبر حسابها الرسمي على "فيسبوك": "ساعدونى أرجوكم واحدة من الفانز بتوع البرنامج من زمان بتكلمنى وكانت بتكلم مامتى على طول ويرغوا بالساعات فى الموبايل، والنهارده لقيتها بتكلمنى من محطه القطر بتقولى أنها سابت أولادها لأنهم مبيسألوش عليها، وجاية القاهرة وعاوزه تبات عندى  كام يوم لحد مقدملها، وأدخلها دار مسنين والقطر هيوصل الساعه ٩".

وتابعت: "محمد بيقولى أنتى مش لاقيالنا مصايب، ومش عاوزنى أروح أخدها وأنا قلبى بيتقطع وهتجنن أنى اسيب ست كبيره متعرفش حد فى مصر لوحدها على محطه القطار دبرونى خايفه من الى بنشرفوا اليومين دول وفى نفس الوقت احنا مسلمين والراحمون يرحمهم الله".

واختتمت: "المشكلة أنا عندى شغل بكره ومش هينفع أخدها معايا، وابنى بيشتغل معايا هسيبها فين ولا اسيبها إزاى فى بيتى لوحدها، للعلم أنا عمرى مشفتها ولا أعرف عنها غير اللى حكته ورقم ابنها اللى كان عندى لقيته مقفول الحقونى ونبى وانصحونى الوقت بيعدى".