بالفيديو.. مريم الخشت تكشف مواقف صعبة تعرضت لها هذا العام
كتب: نسرين إبراهيم
كشفت الفنانة مريم الخشت، عن أغرب المواقف التي تعرضت لها هذا العام، والتي كان أبرزها تعرضها للكسر في قدمها أثناء التصوير واستعانتها بالعكاز داخل التصوير.
كما عبرت عن سعادتها بمسلسلها الجديد "مجنونة بيك" والذي اعتبرته تجربة جديدة تقدم لأول مرة في الوطن العربي.
وقالت مريم عبر حسابها الرسمي على "إنستجرام": "بداية السنة دي كانت مختلفة، واختلافها في حاجات كنت متعودة عليها بقالي سنين وكلها اتغيرت، يعني السنة دي هي أول سنة مكنش في الردايو اللي بقالي فيه سنين، ومكُنش في رمضان لأول مرة من 5 سنين، ولأول مرة رجلي تتكسر وتخليني أقعد في البيت أطول فترة في حياتي في وقت بكل المقاييس اللي في الدنيا ماينفعش يحصل فيه كدهّ بس فعلاً ربنا كبير أوي و مش بيعمل حاجة وحشة، وأنا فعلاً مؤمنة بده!".
وتابعت: "مسلسل "مجنونة بيك" تجربة مختلفة أول مرة تحصل في الوطن العربي، أول مسلسل استعراضي غنائي.. كل الناس اللي بتشتغل فيه بتعمل أقصى وأكتر حاجة عندها عشان يطلع في أحسن شكل، عدد استعراضات كبير وأغاني بتتحفظ وبتتسجل قبلها بفترة، وتيجي يا مريم يوم 30 مارس بعد أول أسبوعين تصوير تٌقعي على رجلك بعد مشهد عادي جداً، بعد الوقعة رجعت كملت التصوير، وبين توقيف التصوير وإننا نكمل لوقوف تصويره شهر كامل!"
واستطردت: "كل التفاصيل والحاجات اللي عيشتها كانت مخلياني مش فاهمة إزاي هرجع بعد شهر أقدم أكتر من 13 استعراض! اختفيت فترة طويلة، وبعدها رجعت أصور وصورت كل الاستعراضات، وأنا رجلي لسه فيها مشاكل بس حماسي لكل حاجة كان مخليني أحسن، متحمسة لكل حاجة حصلت في المسلسل اللي بتشرف إني اشتغلت فيه".
وأضافت: "شكراً لكل الناس من المنتجة الجميلة سالي وإلي وحبايبي علي فايز وأحمد جمال.. والمخرج صديقي الجميل جو بوعيد، وحبيبي مدير التصوير أحمد زيتون ومصمم الاستعراضات الهايل هادي عواضة، والكاتب الخطير وصديقي عمرو مدحت، المزيكا اللي قدمها ومن أكتر الناس اللي شجعتني مصطفى الحلواني، والميكب ارتست حببتي آيه عبد الحميد وزمايلي وأصدقائي اللي وقفوا جنبي جدا أمير المصري وآدم الشرقاوي وانتصار وإنجي كيوان ومراد مكرم ،ولتـــيم الإخراج اللي حرفياً "شالني" المسلسل كله بعد الوقعة، ولكل الناس اللي اشتغلوا وطلع عنيهم عشان المسلسل يخرج بأحسن شكل، متحمسة جداً تشوفوا "راندا" ومتحمسة تقولولي رأيكم".
View this post on Instagram
