رغم الحاجة.. مُدرس بالأقصر يرفض إلقاء محاضرتين بـ 280 ألف جنيه: "أنا مش ليڤل الوحش"

قال مدرس الجيولوجيا حسن سلطان: إنه رفض مبلغ ٢٨٠ ألف جنيه ثمن محاضرتين مراجعة ليلة الامتحان لـ١٤٠٠ طالب في محافظة الأقصر.

وكتب سلطان بوست طويل على صفحته بفيسبوك: "نظرا لكثرة الرسائل والمكالمات والبوستات التى تأتينى من الطلاب يسألوننى أنت ليه يا مستر ما عملتلناش حصص مراجعة ليلة الامتحان وفاكرين إنه تقصير منى أود توضيح. "لقد تواصلت معي إحدى المؤسسات الخاصة قالت لي الطلاب عاوزينك تعملهم مراجعات فى قاعة المؤتمرات وإن تلك المؤسسة هى من ستتولى التنظيم وكان اقتراحهم تحصيل ١٠٠ جنية المحاضرة ٣ ساعات متواصلة عدد الحضور هيكون أكثر من ١٤٠٠ طالب يعنى سأحصل مبلغ ١٤٠ ألف جنيه فى يوم واحد وكانت هتبقى محاضرتين اضرب × 2 يعنى ٢٨٠ ألف جنيه يعنى ربع مليون.. أنت متخيل الرقم ده".

وأضاف: "لكنني رفضت رغم الحاجة الشديد لأنى شايف إن الجيولوجيا ظلمت فى الجدول بيومين فقط والمطلوب من الطالب مذاكرة ٧ أبواب فالوقت لا يسمح بخروج الطالب ويركب مواصلات وينتظرالمستر النينجا ليڤيل الوحش اللى هيتوقعلوا امتحان بكره وأنا بفضل الله أعطيتكم كل الأفكار اللى تخليك بإذن الله تحل الامتحان مهما كان مستواه  يعنى خلاصة القول علشان ما تفتكروش إنه تقصير مني.. يعلم الله أننى رفضت تلك المبالغ فى سبيل مصلحتكم ومصلحتكم وفقط ".