عمر كمال عن «قبلة» عبد الباسط حمودة: حركة عفوية ومش قصدي «أبوسه في بوقه»

علق مطرب المهرجانات عمر كمال، على "قبلته" للمطرب الشعبي عبد الباسط حموده في فمه أثناء تواجدهما في حفل غنائي، وهي "القبلة" التي أثارت جدلا واسعا وعرّضت الثنائي للهجوم.

وفي مقطع فيديو نشره عبر صفحته الرسمية بموقع "فيسبوك" تحت عنوان "بوسة عبد الباسط وفركشة الخطوبة"؛ قال عمر كمال: "دلوقتي أنا كنت شغال في مكان، وقريب مني النجم عبد الباسط حمودة، سمعت صوته شغال قولت أدخل أسلم عليه، ونغني مع بعض (ضيعنا) ونعمل دعاية لـ(حلوين)، وروحت أسلم عليه وأبوسه، وأنا متعود عشانه في مقام أبويا إني أبوس راسه أو إيده، فجاي أبوس راسه وهو بيرفع راسه فالبوسة راحت جاي في بوقه، حركة عفوية جدا".

وتابع: "طلع بسببها كمية كلام جارح على الراجل المحترم وعليّا غير عادية، اتقال دول شواذ وتبع العلم الملون، طيب ليه طيب يا جماعة؟ أكيد أنا مش قصدي أروح أبوسه في بوقه ولا منطقي، كمية شتايم مش حلوة والكلام ده مش صح، والإساءة للناس وسمعتهم حاجة مش كويسه".