شهد رمزي لشقيقها بعد دخوله في غيبوبة: وجودك الشيء الوحيد اللي بيطمن قلبي
كتب: نسرين إبراهيم
وجهت المنتجة شهد رمزي، رسالة مؤثرة لشقيقها صلاح، بعد دخوله في غيبوبة خلال اليومين الماضيين، ووصف الأطباء لحالته بالحرجة.
ونشرت شهد رمزي شقيقة الفنان شريف رمزي، صورة من الطفولة جمعتها بشقيقيها، وعلقت قائلة: "ربنا يقومك يا حبيب القلب والروح، بتحسيسني إني ملكة ووجودك هو الشيء الوحيد اللي بيطمن قلبي، حنانك عليه وفخرك بيا وكلامك ليا وعليا وخوفك وزعلك علي زعلي فرحك لفرحي، انتي جوهرة، you are the one and only ، ومساندتك ليا في كل حاجة وفي شغلي " نسمي البراند diamond علشان إنتي الماظ".
وتابعت: "عمرك ما زعلتني عمرك يا صلاح يا روح قلبي ما فضلت نفسك عليا، حبك ليا كان بيقويني وكان بيديني أمل، أنا أملي في ربنا كبير أوي انك هترجعلي".
واستكملت: "علي قد ما عمرك ما جيت علي حد لا جرحت حد ولا جيبت سيرة حد يا حبيبي عمرك، علي قد ما كل الناس بتحبك وبتدعيلك يا مدير أمن الكوكب يا ألماظ".
واختتمت: "والنبي ادعوا لصلاح ابن ليلي بالشفاء العاجل الدعاء بيغير القدر".
View this post on Instagram
