«ميدو»: التحكيم في أمم إفريقيا فضيحة وعار و«الناس بتضحك على اللي بيحصل»

انتقد الإعلامي أحمد حسام ميدو التحكيم الإفريقي في بطولة كأس الأمم الإفريقية المقامة في الكاميرون قائلا: "التحكيم فضيحة وعار".

وأكد ميدو في برنامجه "الريمونتادا"، المذاع على قناة المحور: "أنا أول واحد اتكلم عن الفساد في الاتحاد الأفريقي وقبل البطولة بشهر، دي قضيتي هي وتطوير الكرة في مصر، هفضل كل يوم أهاجم أي مسؤول في مصر طول ما في حاجات غلط بتتعمل في الكورة لغاية آخر يوم في عمري".

وأضاف ميدو: "الكاميرون مش جاهزة لبطولة أمم أفريقيا ولا الاتحاد الأفريقي.. البطولة منقولة في القنوات الأوروبية والناس بتضحك على اللي بيحصل ده أقل حاجة الكور مش منفوخة".

واستكمل: "المفروض كان ماتش الكاميرون امبارح ميتلعبش بعد موت الناس بره الاستاد، انتوا فاكرين إن الشعب الكاميروني فرحان بالتأهل وفي ناس ميتة؟ سوء تنظيم على كل المستويات، كنا بنتفاخر إن الكاميرون واللجنة المنظمة والاتحاد الأفريقي وقفوا قدام الفيفا والأندية الأوروبية".