طبيب شيرين عبد الوهاب: «حلقت شعرها لأسباب نفسية.. وشخصيتها مبقتش موجودة في زمنا»

كشف الدكتور نبيل عبد المقصود مدير مستشفى قصر العيني الفرنساوي سابقا، والطبيب المعالج للفنانة شيرين عبدالوهاب، عن أسباب قصة شعرها «الزيرو»، وزيادة وزنها بشكل ملحوظ في الفترة الأخيرة.

وقال «عبد المقصود»، خلال حواره مع الإعلامية عزة مصطفى مقدمة برنامج «صالة التحرير» عبر قناة «صدى البلد»، قائلا: «شيرين إنسانة عفوية وطيبة جدا، هذه الشخصية لم تعد موجودة في زمننا، وبالنسبة لحلاقة الشعر، فهي ترجع إلى أسباب نفسية ومشكلات، فيه ناس لما بتضايق بتحلق شعرها، ولما بتتضايق بتاكل ووزنهم يزيد، وناس تانية تنام 24 ساعة في اليوم، وناس تانية مبتعرفش تنام خالص».

وأكد عبد المقصود، أن شيرين شخصية عفوية ورائعة، قائلا: «فيها حاجة غريبة جدا، لو طلعت غنت وبتضحك الناس هتبقى معاها، ولو بكت الناس بتتفاعل معاها، عندها قدرة على التفاعل مع الجمهور وبتلقائية ومش بترتب حاجة خالص، ومش بتبقى عارفة هي هتعمل إيه، ومبتحسبش الكلام اللي بتقوله، واللي في قلبها بتقوله على لسانها».