مفيدة شيحة: الحب جميل حتى لو مكملش أو مقدرناش نحافظ عليه

خصصت الإعلامية مفيدة شيحة، في برنامجها الستات، المذاع عبر قناة النهار وان، مساء اليوم الأربعاء، فقرة عن العلاقات العاطفية، حملت عنوان "قواعد الحب في الأمثال الشعبية". 

وخلال الفقرة قالت شيحة: "الحب جميل حتى لو مكملش او مقدرناش نحافظ عليه، وهيفضل له ذكرى جميلة عن الماضي!"، مضيفة: اللي قلبه على حبيبه يدور عليه و يجيبه!، في مقابل: اللي باعك بالفول بيعه بقشره! ". 

وأضافت شيحة: "محمد فوزي رد وقال اللي يهواك اهواه واللي ينساك انساه، اللي باعك بيعه، هو لو في حب كان باع اصلا؟، ده معناه انه مفيش حب ولا حاجة، لكن ايه فايدة العذاب والانتظار والمحاولات، اللي بيمشي ده مش عاوز حاجة خلاص، لازم نصدق انه مفيش فايدة من الكلام ده!"

وتابعت مفيدة شيحة: "انا ياحبيبي صحيح بتسامح الا في عزة نفسي وحبي، وأما يفيض بي ما بعرف اصالح واعرف اجي كتير على قلبي، ولان مش كل حاجة ينفع يتسامح فيها، ونقاوح ونقول ده حب، في وقت لازم نمشي وننهي".