بعد أزمتها مع ابنتيها..زوجة شريف منير: «مش هسمح صفحتي تبقى ساحة لبعض المتطرفين دينيا»
كتب: نسرين إبراهيم
أكدت الفنانة لورا عماد زوجة الفنان شريف منير، أنها قامت بحذف «بوست» هجومها على ابنتيها من الأخير، والذي لم تكشف فيه عن إذا كانت انفصلت عنه أم لا.
وكتبت لورا عماد، عبر حسابها الرسمي على «إنستجرام» قائلة: «شكرا لكل من دعمني نفسيا وحس بإحساس الأم، وبقول للقلة القليلة عديمي الإنسانية إن تعليقاتكم ما كانت سوى شوية تراب في الهوا».
وتابعت: «أنا قررت أشيل البوست لأن مش هسمح إن صفحتي تبقى ساحة لبعض المتطرفين دينيا وبقولهم روحوا ناقشوا طرفكم في حتة تانية».
لورا عماد تكشف عن وجود خلافات أسرية
وكانت لورا عماد زوجة الفنان شريف منير، وجهت مؤخرا رسالة قاسية لابنتيها "فريدة وكاميليا" من زوجها (شريف منير)، عبر حسابها بموقع "إنستجرام"، أمس الأحد، قالت فيها: "وقالت فيه: "رسالة إلى بناتي فريدة و كاميليا بما أنكم خلاص قررتوا تبقوا مش في حياتي بعد ما أدتكم عمري وصحتي وحبي واهتمامي وضحيت عشانكم كتير.. وكل مدارسكم بمدرسينكم بدكاترتكم بأصحابكم بأمهات أصحابكم يشهدوا بإن أنا كنت أم عاملة أزاي.. بقولكم مبروك عليكم عيلتكم الجديدة".
وأضافت لورا: "وحقولكم حاجة واحدة بس.. اللي مالوش خير في أمه ملوش خير في حد".
وتابعت لورا: "بتمنالكم كل خير وصحة وأن ربنا يهديكم في يوم من الأيام.. بس ربنا موجود وكبير قادر على اللي عمل فيكم كده أنه يرده ليه في يوم من الأيام.. مامي لورا يمكن تكونوا نسيتوا اسمي".
رد ابنتيها فريدة وكاميليا
وردت عليها ابنتها فريدة، قائلة: "ليه بتعملي كده؟ ليه بتخلي شكلنا كده قدام الناس؟”، لترد عليها والدتها: “أنتوا بتموتوني كل يوم وأنت عارفة كده كويس ربنا يهديكي صحيح الزن على الودان أمر من السحر".
وردت عليها ابنتها كاميليا، أيضًا قائلة: "عمرنا ما بعدنا عندك وغير كده أنا كنت لسه قاعدة معاكي إمبارح مكنتش عارفة أنك بتفكري كده"، لترد عليها والدتها: "انتم عارفين كويس أوي اني بشحتكم وبتهربوا مني ربنا موجود ويهديكم من الزن اللي على ودانكم".
جدير بالذكر أن الفنان شريف منير، لم يظهر برفقة زوجته الفنانة المعتزلة لورا عماد، منذ فترة طويلة.
View this post on Instagram
