حنان شوقي لـ «العاصمة»: انا مش متعاطفة مع قاتل نيرة أشرف ولا معها.. فيديو

كشفت الفنانة حنان شوقي عن رايها في الأزمة مقتل الطالبة نيرة أشرف على يد المجرم محمد عادل.

 اقرا أيضا..اليوم.. تكريم نجوم الفن والثقافة بالمركز الثقافي الروسي

وقال الفنانة حنان شوقي في تصريحات خاصة لـ"العاصمة"، "أنا مش قادرة أتكلم في موضوع نيرة أشرف ده، لأن الفعل في حد ذاته بشع، بس ما باحبش أحكم على حاجه بدون ما أبص لها من زاوية 360 درجة الفعل ذاته صعب صعب، ولد ناجح هو ده السؤال اللي بيدور حوالين قلبي وعقلي، إيه إللي يخلي طالب ناجح شكله زي القمر، يتحول واحد شكله وحش، الشاب ده هو أخوك الشاب الناجح في الجامعه ومن الاوائل، إيه اللي يخليه يعمل الفعل البشع ده، أنا عايزه أعرف إيه إللي وصله لكده".

وتابعت حنان، "في سؤال بيراود قلبي وعقلي وإحساسي إيه اللي وصل هذا الشاب إنه هو يعمل الفعل الإجرامي ده؟، في عز الظهر إيه إللي خلى البني أدم ده يعمل هذا الفعل المجنون، والمحامي قال إن هي كانت بتستغله باسم الحب يبقى ده مش حب لا، بس أنا ما أقدرش أقول حاجه أنا مش ماسكاها بيدي، عشان مظلمش حد، أنا كلامي دلوقت لا تعاطف مع ده ولا دي أنا باتكلم سؤالي واضح، إيه اللي وصل هذا الشاب الناجح المتفوق في الجامعه إنه يعمل الفعل الاجرامي المجنون ده، ده مش فعل إجرامي عادي وهي طبعاً الله يرحمها ويحسن اليها وهي ما بين أيادي الرحمن الرحيم".