التحريات: المتهم بالتحرش بكارولين عزمى سائق بشركة توصيل شهيرة والواقعة حدثت بالنزهة
كتب: طه عبدالله
كشفت تحريات أجهزة الأمن بالقاهرة تفاصيل واقعة القبض على المتهم بالتحرش بالفنانة كارولين عزمى، مشيرة إلى أنّ الواقعة حدثت بأحد شوارع منطقة النزهة.
وأضافت التحريات أن المتهم سائق بشركة توصيل شهيرة، وقام بارتكاب حركة خادشة للحياة بيده وتم ضبطه.
وكانت قد نشرت الفنانة كارولين عزمي فيديو عبر حسابها الشخصي بموقع التواصل الاجتماعي «انستجرام»، توثق خلاله تعرضها للتحرش أثناء قيادة السيارة، وعلقت كارولين على الفيديو قائلة: «أنا اللي يعرفني أو متابعني عارف اني شخص مالوش في المشاكل ولا عمري شاركت مشكلة تخصني على سوشيال ميديا... باختصار النهاردة كنت في عربيتي وجنبي عربية فيها واحد كسر عليا كل اللي عملتوا انا بصتله وبصيت قدامي فلقيته بيكرر نفس الحركة تانى باستظراف روحت طلعت الموبايل وعملت نفسي بصور عشان اخوفه واخليه يبطل يضايقنى اتفاجأت وهو بيقولى بتصوريني يا بنت "لفظ خارج"... ساعتها اتخضيت و بدأت أصور بجد وأنتو هتشوفو في الفيديو الحركات اللي بي أيده والشتايم…. وبدأ يقولى تعالى ورايا والحقيقة أنى مش عارفة أروح واره فين أو كان عايز يعمل إيه ولأنى اتوترت وخوفت ساعتها مقدرش أصور ١٪ من اللى عمله الشخص دا».
وتابعت في تعليقها على الفيديو: «أنا اتشمت واتنهت واتشمت بأهلى بأقذر الشتايم انهارده من حد معرفوش ولا عملتله حاجة ولا فتحت بوقى لمجرد انه شخص مريض.. اكيد الشخص دا أذى بنات كتير لانه تقريبا متعود على الحركات دى ومتعود يخوفهم ومش همه حتى انه يتصور و يتفضح.. انا عايزه حقى يرجعلى».
