لمنتقدي سفرها.. بسمة وهبة: سيبونا في حالنا أنا في المستشفى وصاحبتي ماتت من الحسد
كتب: نسرين إبراهيم
وجهت المذيعة بسمة وهبة رسالة شديدة اللهجة لمنتقدي سفرها، ولإحدى الشخصيات المقربة منها والتي سخرت منها بسبب سفرها الدائم.
ونشرت بسمة وهبة مقطع فيديو لها من داخل المستشفى، عير حسابها الرسمي على «إنستجرام» تكشف فيه عن سر سفرها وهو خضوعها لعملية جراحية، وقالت في تعليق لها على الفيديو: «واحدة معرفة اتصلت بيا فمردتش عليها، راحت بعتالي رساله بتعاتبني فقلت لها معلش مش قادرة اتكلم، راحت ردت عليا قالت لي آه مانتي مشغولة صحيح كل يوم في بلد وبتتفسحي، فعاوزه أقولها هي واللي زيها إن أي صورة ع السوشيال ميديا حلوة وراها أوقات وحشه وأي صورة فيها سعادة وراها أوقات تعاسة وألم».
وأضافت بسمة: «صحيح ممكن أكون مسافرة بس بعمل عملية ممكن أكون مسافرة وفي عملية وفي البنج وحزينة لأن صاحبتي ماتت قبلها بيومين، حتي وأنا في البنج وتعبانة حزينة عليها وبدعيلها وممكن أكون مسافرة أتعالج مش أتفسح».
وتابعت وهبة: «بس بما إني مسافرة لو ماعندكيش مانع أخرج قبل العملية واتمشي في الشارع بعد العملية لو مايضايأكيش يعني أحب أقولك إنتي واللي زييك ربنا ما يحكم عليكي يا بنتي باللي في الواحد وإحمدي ربنا إنك مش مضطره تسافري عشان تلاقي حل لمرض نادر، من فضلكم إرحمونا وسيبونا ف حالنا أنا صاحبتي وفاء ماتت من الحسد».
View this post on Instagram
