عمرو وهبة يبعث رسالة رومانسية لزوجته في عيد زواجهما

بعث الفنان عمرو وهبة رسالة إلى زوجته في عيد زواجهما الـ 16، وقد حازت الرسالة على اهتمام الكثيرين من رواد مواقع التواصل الاجتماعي لما تحمله من مشاعر حب ورومانسية.

وكتب عمرو وهبة على حسابه الشخصي على فيسبوك قائلاً: النهارده كده ما شاء الله كملنا ١٦ سنة مع بعض، أنا عارف إن كلمة رجولة بتبقى غريبة لما تتقال على بنت، بس الصراحة هي الكلمة الوحيدة المعبرة عن اللى بتعمله معايا طول عمرها.

وأضاف: أنا لما كان نفسي أسيب شغلي عشان أحقق حلمي وأمثل وقولتلها مش هينفع أعمل كده عشان مصاريف البيت، قالتلي لو هتبقى مبسوط سيبه وحاول في اللي بتحبه وأنا متأكدة إنك موهوب وهتنجح ولو اتزنقنا أنا بشتغل، وهصرف أنا لحد ما الدنيا تمشي، صحيح من ساعتها هي اللي بتصرف فعلًا، بس كان موقف نبيل الصراحة هي أكيد ندمانة عليه دلوقتي.

وحقق عمرو وهبة نجاح كبير من خلال مسلسل "في بيتنا روبوت"، والذي جسد من خلاله "لذيذ" الروبوت، وهو من بطولة ليلى أحمد زاهر وشيماء سيف وهشام جمال.

كما شارك مؤخراً في فيلم "واحد تاني" بطولة النجم الكوميدي أحمد حلمي وظهر كضيف شرف من خلال فيلم "تسليم أهالي" بطولة دنيا سمير غانم وهشام ماجد.