«اياكم والأولاد».. 7 نصائح من سمية الخشاب للفتيات قبل بداية العام الدراسي الجديد

وجهت النجمة سمية الخشاب، عدد من النصائح للفتيات مع اقتراب بداية العام الدراسي، إذ تحرص دائم على التفاعل معهم من خلال حسابها الرسمي على «تويتر».

وكتب الخشاب «تغريدة» جديدة ذكرت فيها عدد من النقاط المهمة كنصائح للطلاب،  قائلة: «جاهزين للدراسه يا حبايبي؟ أنا بقي مش جاهزة بالنيابة عنكم».

‏وتابعت: «من أولها كده، أول إسبوع ملوش لازمه، متعملوش صحاب جداد من الدفعه خليكوا مع بتوع السنه اللي فاتت اضمن، متعتمدوش علي حد غير نفسكوا عشان في ناس شغلتهم يلبسوكوا وبس، وأنا بنفسي هبقي متابعاكم».

واستكملت الخشاب في توجيه نصائحها للطلاب منها، «معدش في اونلاين فننام بدري عشان الحضور.. منتحوجش للي بيبقوا قاعدين قدام محتلين الديسك اللي فالاول عشان معظمهم بيبقي نفسية.. نحاول علي قد ما نقدر منبقاش اجتماعيين احنا مش رايحين نادي خلصوا المحاضره او التوتريال واجروا علي البيت.. متحتكوش بولاد الدفعه خالص (للبنات)».