«بتحارب في أكل عيشي».. ميار الببلاوي تستغيث بنقيب الممثلين أشرف زكي

وجهت الفنانة ميار الببلاوي، استغاثة للفنان أشرف زكي، نقيب المهن التمثيلية، بشأن الأشخاص الذين يدعون اعتزالها الفن ويحاربونها فنيًا.

قالت ميار الببلاوي في مقطع فيديو عبر حسابها الرسمي على «فيسبوك»: «بعد إذنك يا دكتور، شوف لنا مين الناس اللي بتوقف حالنا؟، وإحنا صلا حالنا موقوف يا دكتور، يعني أنا جيلي كلهم بيستغيثوا على صفحاتهم، لسه شايفه بوست لكريم الحسيني وقبلها كانت هند عاكف، مينفعش، إحنا عندنا كرامة وبرستيج، إن أحنا منقولش، أنا الحمد لله، شغالة في الميديا كويس، وبرنامجي محقق مشاهدات وتريندات وكويس وزي الفل».

وأضافت: «لكن كمان مسمحش إن لما يجيلي دور يقول لا، وبعدين داير في كل حتة يقول، إنتوا عايزين تشغلوا ميار الببلاوي إزاي وهي معتزلة؟، طب إنت بتعرف منين، طب إنت مالك، مين مسلطك عليا، مبقولش غير حسبي الله ونعم الوكيل، في أي حد يقول إني اعتزلت وفي أحد يوقف أكل عيشي ويقطع رزقي أنا وابني».