صبري فواز: أنا مسامح مصطفى كامل بسبب قراراته الحلوة

علق الفنان صبري فواز، على قرارات نقيب المهن الموسيقية، مصطفى كامل، أمس، والتي كان منها إعطاء تصريح لكل مؤدي مهرجانات لمدة 3 شهور للغناء.

ونشر صبري فواز، عبر حسابه بموقع التواصل الاجتماعي فيس بوك، منشور، قال فيه:" على فكرة ..القرارات اللي طلعت من نقابة المهن الموسيقية النهارده، حاجة كويسة جدا، انك تستوعب كل مؤدي المهرجانات و تعمل لهم شعبة في النقابة أيا كان اسمها مش مهم الإسم، و يدفعوا اشتراكات و رسوم هاتفيد النقابة و اعضائها، دا غير انك هاتشغل مع كل واحد منهم مجموعة من العازفين  من أعضاء النقابة .. هايفيد العازفين و هايطور أداء مغنيين المهرجانات".

وأضاف:" و ده كان الغرض من البوست اللي عمل دوشة، انه المنع لا يفيد لا النقابة و لا المغنيين،و آدينا شفنا بعينينا ان المنع ما قدرش يحجب ( حاجة ) زي أنتش و اجري من الانتشار "..

وأنهى حديثه:" يبقى ايه الطريق الأنسب ؟، الطريق الأنسب هو اللي النقابة عملته ده،برافو بجد، و بالتوفيق للجميع، و لو ان النقيب قال عليا جاهل في احد البرامج .. بس انا مسامح عشان القرارات الحلوة دي".

وكان قد قرر مصطفلى كامل، امس، تقسيم الفئات الغنائية إلى مطرب شعبي ومؤدي، وإعطاء تصاريح بالغناء لكل مطربي المهرجانات على الالتزام بالكلمات والأداب العامة للغناء.