عفاف شعيب: «معرفش أحمد زكي حبني ولا لا ووقعوا بينا في الحج»

تحدثت الفنانة عفاف شعيب خلال لقائها أمس، مع الإعلامي عمرو الليثي ببرنامج «واحد من الناس»، عن علاقتها بالفنان الراحل أحمد زكي، مؤكدة أنها فوجئت بما وجدته في مذكراته عنها.

وقالت خلال اللقاء، إن أحمد زكي كان أخ قريب مني، وتعرفت عليه منذ الصف الأول في المعهد، وكان أحد الأساتذة في المعهد قال له«عليك أن تذهب للعمل في ورشة».

وأضافت:«أحمد زكي كان يجلس منفردًا وكنت أنادي عليه عشان يقعد معايا عشان كنت بشوفه بيقعد لوحده وبيعيط، وكنت بخليه يجي يقعد معايا وأعزمه على أكل، وبعدين دخلته في وسط المجموعة بتاعتنا».

وعن حبها لأحمد زكي، قالت:«أنا محبتش أحمد حب غير حب الأخوات، لكن هو معرفش حبني أزاي، بس كان بيقولي لما اتجوز نفسي إلاقي حد زيك، وكنت بساعده عشان غلبان أوي وموهوب».

واستكملت:«أنا اخترت أحمد في عملين في بدايته عشان أقف جمبه وأدعمه، وأما بقى نجم في ضد الحكومة هو اللي جابني أشتغل معاه.. كان بيرد الجميل».

وسردت عفاف شعيب، الوقيعة التي حاول البعض أن يُحدثها مع الفنان أحمد زكي، قائلة:«اقنعت أحمد بالحج، وفي ناس ساعدتني في ده، ووافق وطلع الحج معانا، قلت يبقى ربنا راضي عليه، وأنا بلتزم بكل مناسك الحج، وعلى  الاتجاه الآخر وسوس البعض لأحمد زكي بأن يظل في الفندق لأن الحج عرفه».

واستطردت:«أنا قولتله لا لازم تروح منى، ولقيته بيزعق فيا ويقولي مش رايح، قولتله براحتك أنت حر، وبعدين تناقشت معاه انه مقرأش قرأن في عرفات فرد عليا :«أنا شيطان من الشياطين ومش هقرا قرأن».

وبعدها طالبته بعدم الحديث معها بسبب أسلوبه السئ في الحديث معها، وبعدها ذهب إليها في المنزل لكي يصالحها، وكنت أعرف من الشخصية التي قامت بالوقيعة بيننا.