محمود المهدي عن أزمة منة شلبي: «وسط غارق بالمفاسد وأغلبهم متعاطين»

علق المنتج محمود المهدي على بيان نقيب المهن التمثيلية أِشرف زكي، أمس لتحري الدقة حول الأخبار المتداولة عن الفنانة منة شلبي.

وقال المهدي، عبر حسابه بموقع تبادل الصور والفيديوهات «انستجرام»: «خصوصية إيه يا نقيب، ده لما الجمارك بتمسك مواطن مغترب راجع بعشر ألاف دولار ومحولهمش على البنك قبل ما يرجع بيعملوا له محضر وبيتصوروا مع المضبوطات معاه، وينشروها على مواقعهم الرسمية ومنصات التواصل الاجتماعي».

وتابع: «دي ممسوكة بمخدرات، كفاية دفاع عن وسط ملئ بالمفاسد تحت شعار الخصوصية والحرية الشخصية والكلام الفاضي ده، فمن يخطئ يحاسب عشان كل واحد يعرف إنه مفيش حد فوق القانون».

واختتم:« وطبعًا أفكركم النقابة لازم يحاولوا يطلعوها براءة هيتقال ان الحاجة دي مغلفة ومتفتحتش وانها مسموحة في الدولة اللي كانت بتزورها وإنها متعرفش طبعًا كل ده عشان منظر الفنانين مع إن لو اتعمل تحاليل لكل واحد مقيد في النقابة في جزء كبير هيطلع للاسف بيتعاطى».

وكان تم إخلاء سبيل الفنانة منة شلبي أمس بكفالة 50 ألف جنيه على ذمة التحقيقات.