مايا دياب: «حياتي مش هتكمل بدون رجل»

علقت الفنانة اللبنانية مايا دياب، على المساواة بين الرجل والمرأة والتي تنادي بها المجتمعات العربية حاليًا.

وأشارت مايا دياب خلال لقاءها ببرنامج"كلام نواعم"، قائلة :"أنا خسرت أشخاص بسبب آرائي بس شايفة أنهم اللي خسروني مش أنا، ولو شخص بعد عني من أجل آرائي هو لا يستحقني، وأنا بتضايق لما بلاقي الفنانين بيتكلموا على المساواة بين المرأة والرجل بشكل سطحي، وبكون عايزة أقول للفنان أسكت وأقعد في بيتك أحسن، وأنا قررت اسميها حياة المشاركة مش المساواة".

وأضافت قائلة :"أنا عايزة المساواة في القوانين والأحوال الشخصية والعمل لأني فرد في الدنيا ومش عايزة الراجل يبصلي على أني ست لا أنا عايزاه يتعامل معايا كإنسان زيي زيه، وفي النهاية أنا حياتي مش هتكمل بدون رجل لأنه الحب والحنان والعطاء والسند، وهو كل شيء في الدنيا زي ما أنا كل شيء بالنسباله".

مستكملة:" عندنا في لبنان صراع أديان وطوائف بشكل بشع ومع ذلك كان نفسي أكون رئيسة دولة لأننا محتاجين امرأة قائدة لأننا تفكيرنا مختلف عن الرجل".