إبراهيم عيسى: لو أنت من مواليد الستينات جدتك ووالدتك كانوا بيلبسوا مايوه (فيديو)
كتب: محمود جودة
تحدث الكاتب الصحفي إبراهيم عيسى عن تأثيرات التيارات الإسلامية في غرس عدد من المفاهيم في عقول الناس، الأمر الذي اعتبره أوجد حالة جديدة من التدين والتي لا علاقة لها بالدين في الأساس.
وقال إبراهيم عيسى: "لو انت من مواليد الستينات لحد سنة 1975، أنا أؤكدلك هاتلاقي صورة لجدتك لابسة فيها مايوه وصورة لوالدتك (كت) وبالمايوه، سواء كنت من المنيا أو سوهاج أو أسيوط أو أي مكان في الصعيد أو بلطيم أو الزقازيق أو المنوفية أو المنصورة".
واستكمل: "98% من طلبة الجامعات كانوا بيلبسوا "كت" في أواخر السبعينات والدنيا كانت عادية".
وأضاف: "في صورة للست والدتك أو الست جدتك بمايوه، ولا كانت عاصية ولا كافرة ولا متبرجة، ولا كل المصطلحات التي غرسوها في دماغك في السبعينات عشان توصم المرأة، بما فيهم أمك، بكل الأوصام التي تدين وترفض وتنتقص وتتعالى وتتنمر، وده اللي عمله الجماعات الإسلامية وتيارات الإسلام السياسي في مصر.
وقال إبراهيم عيسى في برنامجه "حديث القاهرة": "بعض الناس بتسمع كلامي وتفتكر أنه تطاول على الدين، لا حول الله يا رب، ده تطاول على الدين اللي انت تعرفه، لأن مش ده الدين، ولا له علاقة بالدين أصلا، لأنه نوع من التدين وليس الدين".
