«العاصمة» يكشف سبب اختفاء مساعدة منة فضالي: «مقبوض عليها في قضية سرقة»
كتب: نسرين إبراهيم
علم موقع "العاصمة" من مصادره الخاصة، أن الفتاة المساعدة للفنانة منة فضالي، والتي أعلنت الأخيرة عن اختفائها أمس الجمعة، في ظروف غامضة، تم القبض عليها بالفعل في أحد أقسام الشرطة بالقاهرة لاتهامها بجريمة سرقة بعض المشغولات الذهبية، ويجري التحقيق معها حاليا لمعرفة حقيقة اتهامات بتلك الواقعة.
وكانت الفنانة منة فضالي، قد نشرت صورة للمساعدة الخاصة بها عبر مواقع التواصل الاجتماعي، قائلة : «صباح الخير عليكم جميعا أنا للأسف في موقف مش عارفة اتصرف فيه، المساعدة بتاعتي اختفت وهي جايلي على التصوير من أول امبارح، وكل ده أهلها بيدوروا عليها في المستشفيات والأقسام».
وأوضحت: «وآخر حاجة كانت راكبة سيارة تابعة لإحدى شركات النقل الخاصة، وكانت جايالي على المدينة بعديها تليفونها اتقفل ومن الساعة ٦ المغرب وتليفونها اتفتح دقيقة الساعه ١٢ بليل معرفناش نعمل حاجة، واستنينا يعدي ٢٤ ساعه علشان نعمل محضر بعض المستشفيات هي مش موجودة فيها، والواضح أنها اتخطفت وحقيقي انا مش عارفه اعمل حاجة ودي أول مره معرفش اتصرف».
واختتمت: «فا اللي يقدر يساعدني يبقي كتر خيره هي ساكنه في الزاوية وللأسف معنديش تفاصيل لا رقم العربية الأوبر لأنها كانت مش ظاهرة ولا أي حاجة رجاء اللي يقدر يعمل حاجه يبقى كتر خيره».
