«قلب ابني عليا حجر».. أزمة رشوان توفيق وعمرو محمد على الأبرز

«قلبى على ولدى انفطر وقلب ولدى عليا حجر».. مثل شعبي شهير يجسد حال عدد كبير من حال النجوم، وكان أبرز القصص ما حدث مع الفنان عمرو محمد علي على الساحة.

وتحدث «عمرو» عن جحود ابنته وزوجته السابقة بعد أن تركوه بسبب المرض، مما تسبب في حالة من الفزع والاعتداء العنيف تجاه ابنته وطليقته، وجاء هذه بالتزامن مع اسثتناف دعوت ابنة الفنان توفيق رشوان اليوم دعوة  ابنته عليه.

مع تكرار تلك الأزمات بين أهل الفن، يستعرض لكم "العاصمة" تفاصيل ما حدث مع الفنان توفيق رشوان وعمرو محمد الشهير بـ شقشق.

عمرو محمد على

قال الفنان عمرو محمد على فى مقابلة تلفزيونية "أنا طلقت أم بنتي علشان مظلمهاش و يمكن ده هروب و أنا كنت بحب مراتي و مرضيتش أتعبها معايا كان هيبقى صعب عليا

وأضاف عمرو محمد أنا متكفل بمصروف بنتي لحد دلوقتى و للأسف بتجى تاخد مصروفها وتمشي ومش بتزرني وأنا قولت لبنتي أنتى جاحدة وداين تدان.

ودافعت ابنه الفنان عمرو محمد على اتهامه لها بالجحود وقالت شهد"بقالىي كتير ساكتة وقلت لمامتى ما نتكلمش فى حاجة علشان حياتنا الخاصة ماحدش يعرف عنها حاجة، ولكن بصراحة زاد أوي أنا اسمي شهد عمرو محمد على معظم الناس ما تعرفش مين شهد لانه بالنسبة لى اسم فى البطاقة ومش هتكام إنه قال عنى جاحدة لأنه في الأول والآخر بابايا وبتمنى له الشفا.

وتابعت: ماحدش يحكم على حد وهو ما يعرفش القصة كاملة، ماحدش عارف هي عملت إيه وإيه حصل بينهم أدى لانفصالهم، محدش يعرف هي عملت إيه عشاني 20 سنة بتصرف عليا لبسي وحضنتي لحد تانية جامعة وعملت عشاني كتير أوي وما استحملش أسمع عنها نص كلمة وماحدش عارف الحكاية.

وأضافت شهد:  "حرام أكون طول ما أنا ماشية اشوف في الصفحات الست اللي سابت جوزها.. ليه الناس بتحكم على حد من طرف واحد، وعلشان ما أطولش عليكم الست دي بطلة عملت كل حاجة في الحياة عشاني عشان ابقى إنسانة متعلمة.. وكفاية تحكموا على حد وانتم ما تعرفوش القصة، ورسالة لوالدي بدعي له بالشفا ده أبويا مهما كان أما أهلي أنا آسفة مش مسامحة في كل كلمة باطل اتقالت في حق مامتي".

أزمة رشوان توفيق وابنته

قضت محكمة استئناف  اليوم الثلاثاء  بإلغاء دعوى أقامتها ابنة الفنان رشوان توفيق آية ضد والدها لبطلان عقد بيعها  فيلا في مدينة 6 أكتوبر

استغلال التوكيل العام الصادر لوالدها

وسبق أن عقدت جلسة بمحكمة جنوب القاهرة للنظر في الدعوى الثالثة المرفوعة من ابنة الفنان رشوان توفيق ضد والدها  وحكمت المحكمة برفضها، وبطلان عقد بيع فيلا  لابنته الثانية بـ 5 ملايين جنيه ، بدعوى أن الأخيرة استغلت التوكيل العام الصادر منها لوالدها دون علمها

طالبت ببطلان عقد البيع

الدعوى التي أقامتها ابنة الفنان رشوان توفيق ضد والدها وهي بطلان عقد بيع «فيلا السادس من أكتوبر»، لم تكن الأولى، بل الثالثة المُقامة منها، حيث طالبت ببطلان عقد بيع والدها لفيلا في مدينة 6 أكتوبر بقيمة 5 ملايين جنيه لابنته الثانية الإعلامية هبة رشوان توفيق، بدعوى استغلالها التوكيل العام الصادر منها لوالدها دون علمها، على حد ما أدلت به من أقوال في الأوراق.