بعد تعرضها لمضايقات على السوشيال ميديا.. ميار الببلاوي: «عيب أنا ست متجوزة»
كتب: نسرين إبراهيم
وجهت الفنانة والإعلامية ميار الببلاوي، رسالة شديدة اللهجة لبعض المتابعين لها عبر حسابها على مواقع التواصل الاجتماعي، بعد تعرضها لمضايقات عديدة من قبل عدد من المتابعين من الرجال.
وكتبت "الببلاوي"، عبر حسابها الرسمي "فيس بوك": "أخر مرة أقسم بالله.. لو أى راجل وعيب أقول عليه راجل دخلى خاص، غير أهلى وشغلى هشير المسج بتاعته وعليها كومنت يهينه، عيب أنا ست متجوزة وبعشق التراب اللى بيدوس عليه جوزى وبحترمه فى غيابه قبل وجوده ولأنه مش فى مصر احترامى لغيابه أكتر".
ووجهت تحذيرًا: "دا آخر انذار مش هخرب على نفسى علشان شويه رجاله استغفر الله ميرضوش اللى بيعملوه دا على مرتاتهم اتقوا الله بقى أوف.. أنا ست كبيرة ومحجبة وأم راجل ومرات سيد الرجاله عيب جتكوا البلا".
وكانت قد علقت ميار الببلاوي، مؤخرا على ما تعرضت له خلال الأيام الماضية، من هجوم بسبب تصريحاتها عن الفنانين أثناء استضافتها في برنامج"قعدة ستات".
ونشرت ميار الببلاوي عبر حسابها بموقع التواصل الاجتماعي، فيسبوك، قائلة :" أنا مش هدافع عن نفسي ومش هقول أني صح بس ربنا شاهد أني بتكلم بعفوية ومبعرفش اتخابث ولا قصدي أي إساءة لأي حد من زملائي اللي بحبهم وبقدرهم وبعتز بأي عمل شاركتهم فيه طوال السنين الى فاتت".
وأضافت الببلاوي قائلة :"وأنا لا عاوزة أجيب سيرة الفيلم ولا المشهد ولا يشرفنى ونفسى انسى والناس تنسى بس معرفش ليه بعد ٢٥سنه بينبشوا فى الماضى فى فنانات عاملين مىات الافلام وفيها مشاهد نسال الله المغفره اشمعنى ميار الى لازم تترجم وتتبهدل وكل الى عاوز يعمل شو يبقى عليا".
