«مش عاوزين نخسر حد تانى».. الرئيس السيسي يوجه بإزالة العبوات الناسفة من سيناء

احترام لأرواح الشهداء

أضاف الرئيس السيسى خلال تفقده المعدات المشاركة فى تنفيذ خطة الدولة لتنمية وإعمار سيناء: "عاوز أقول للواء محمد..وقائد الجيش ورئيس الهيئة الهندسية مهم قوى إزالة العبوات الناسفة مش عاوزين نخسر حد تانى.. مش عارف تاخدوا تمام شهر ولا شهرين تخلصوا بيها مهمة الإزالة بالكامل بنسبة 100 % علشان بس مفيش حاجة تحصل".

الزراعة في سيناء 

وأكد الرئيس  أنه من المقرر تجهيز 600 ألف فدان للزراعة فى سيناء مع نهاية العام الجارى، فى إطار خطة تنمية وإعمار سيناء، متابعا: "اتعرض علينا خطة للتنمية فى سيناء بمشاركة هيئة المجتمعات ووزارة الإسكان ووزارة الرى ووزارة الزراعة.. تخطيط يعنى بقوله لكل المصريين.. مش تخطيط متواضع".

وأضاف الرئيس السيسى،  "لما الدكتور مصطفى مدبولى بيقول 600- 700 ألف فدان فى سيناء.. نتمنى على أخر السنة دى تكون المياه موجودة سواء من محطة المحسمة أو بحر محطة البقر.. والخط الناقل نخلصه فى أسرع وقت.. كمية أراضى تدخل الإنتاج على نهاية السنة دي.. بتكلم عن سيناء.. مش بتكلم عن توشكى ولا وادى النطرون.. بنتكلم عن 600 ألف قديم وحديث".

توسيع الميناء في العريش 

واستكمل الرئيس ، أن الدولة المصرية تنفذ خطة قوية للتنمية فى سيناء، قائلا: "التنمية والخطة مش متواضعة لما بنتكلم عن المسافة من العريش لكن حاجة تليق أولا بأنباء سيناء وتليق بمصر.. سواء مشاريع فى العريش.. وده مهم.. الناس مستغربة من توسيع الميناء فى العريش.. والظهير الخلفى فيه مساكن وتعوض وتخلي.. بنعمل ميناء عالمى.. ارجو أن الناس تسمعنا أبنائنا وأهالينا". 

وأضاف الرئيس السيسى، "بنحط ميناء العريش على خريطة موانئ مصر.. ميناء عملاقة.. يقدر يطلع كل المنتجات.. منتجات زراعية وتعدين.. والكلام ده مش معمول.. بنتكلم عن خطة ممتدة لـ 10 – 20 سنة من التنمية والتطوير فى سيناء.. بشكركم.. وارجو أنكم تنتبهوا لأمن وسلامة الناس".

الحذر والحرص في التعامل مع الوضع في سيناء 

وطالب الرئيس عبد الفتاح السيسى، كافة أجهزة الدولة المصرية الحذر والحرص فى التعامل مع الوضع فى سيناء، قائلا: "الحذر والحرص مستمر من كل الأجهزة.. لا تغمض عين أو جفن.. اوعوا تطمأنوا.. دايما عنينا منتبهة لكل حاجة.. ومعانا أبناء سيناء.. ومش تسكتوا على حد.. ولما مش قدرنا نعمل قبل كده فى الفترة من 2006 إلى 2010.. والنهاردة خلى بالكم.. احنا مش هنضيعه.. بالعكس.. هنشوف حل ونعاجله ونفهمه.. مش نسكت ابدا".

وأضاف الرئيس السيسى : "قعدنا 10 سنين مش عاوزين ننسي.. مش عاوزين ننسى الأيام المؤلمة اللى كانت تمر منأ.. واسف انى بقولها فى يوم جميل.. مهم نكون ننتبه ونخى بالنا أكثر.. وعلشان مش يكرر لا هنا ولا أى حتة فى مصر. 

التواصل مع شيوخ القبائل ثقافة 

وتابع الرئيس السيسي: "التواصل مع شيوخ القبائل ثقافة.. ثقافة للقوات مع الأهالى فى سيناء.. والمنطقة الغربية والجنوبية.. التواصل مع الأهالى والشيوخ ثقافة مطلوب تتنفذ على أعلى مستوي.. بتمنى لكم التوفيق ولسه قدامنا كتير".

أقرأ أيضاً...الرئيس السيسي يشاهد نماذج جهود أعمال شركات عقارية على أرض...

أقرأ أيضاً...قائد الجيش الثاني: سيناء تعرضت لهجة إرهابية شرسة تصدت لها...