بشرى: «تناول المرأة في السينما رخيص .. يا رقاصة يا فتاة ليل»

علقت الفنانة بشرى على  وضع المرأة في السينما، خلال الفترة الأخيرة، وهل هي راضية عن وضع المرأة في السينما أم لا.

وأشارت بشرى خلال لقائها في برنامج" سبوت لايت على قناة صدى البلد، قائلة :" صعب جدًا تنتج أفلاما عن المرأة عشان تتاجر بالمرأة وتبيع عشان عارف إن جمهور الستات كبير، وأن مواضيع الستات مطلوبة أو المنصات اللي طالباها".

وأضافت:" وفيه بعض المبدعين بيكونوا عايزين يحسنوا من وضع المرأة وساعات بيتم المتاجرة بالحاجتين، المرأة عاملة في الصناعة هي قليلة جدًا، فالمخرجات والمصورات عددهن قليل جدًا، وعندنا مشكلة أجور، الست أجرها قليل، ومبيتكتبش لها مواضيع كتير".

واستطردت:" كله عايز ينتش ويجري هي دي سياسة العصر في كل حاجة، محدش عايز يتعب في حاجة، محدش عايز يعمل مجهود، محدش عايز يحكي قصة حد أو يحكي عن قصة دكتورة أو ست بتتعب على أولادها، فالسينما عندنا حاليًا أشبه بالوجبات السريعة".

وأنهت حديثها قائلة :"مش معقولة المرأة المصرية يا رقاصة يا فتاة ليل، النقطة ميبقاش التناول رخيص ومفيهوش جودة أو حبكة أو مضمون".