قصة إعلان غريب منشور في صحيفة «الأهرام» عن سيارة من نوعية «جيب رانجلر»
كتب: متابعات العاصمة
تسبب إعلان نشرته صحيفة «الأهرام» عن سيارة مستعملة من نوعية «جيب رانجلر» في حالة من الجدل على مواقع التواصل الاجتماعي.
وكتب أحد رواد مواقع التواصل الاجتماعي: الإعلان الغريب ده نزل في الصفحة الأولى من جريدة «الأهرام» وهذه ملاحظاتي عليه:
١.. الصفحة الأولى في الأهرام بينزل فيها دائما إعلانات حكومية أو شركات كبرى أو أراضي غالية زي أرض على النيل أو فندق بيتباع بـ ٤٠٠ أو ٥٠٠ مليون جنيه لكن واحد بيبيع عربية وكمان عربية عادية سعرها ٣٠٠ ألف جنيه.. مثلا حاجة مش منطقية!
٢.. مواصفات العربية نفسها غريبة جدا وكأن فيه كود أو شفرة جوة الإعلان، يعني «استبن» لم يستخدم مفهومه، لكن لن يستخدم يعني إيه؟ الاستبن عارف الغيب.
٣. مش لاقي كلام يقوله علشان يملي الإعلان، فكاتب ٣ سطور في وصف الراديو والـmp3 بتاع العربية.
٤.. وسيلة التواصل إيميل... لا فيه تليفون ولا واتساب!
٥.. الإيميل نفسه غريب جدا random reaction، وكان فيه حد عاوز يقيس رد فعل أو عاوز يعرف إذا كان جرنان «الأهرام» فيه حد بيشتريه أصلا.
٦.. على فكرة الإيميل شغال والدومين universe25.vip مسجل حديثا بوم ٢٦/٣ يعني معمول مخصوص علشان الإعلان وده طبعا مش تصرف طبيعي بتاع واحد عاوز يبيع عربية.
والسؤال الآن: إيه ده؟ ومين سمح بنشره في الصفحة الأولى من الأهرام، الجريدة الرسمية المصرية الكبرى وفي الصفحة الأولى؟ ولا يمكن دي رسالة مشفرة ما؟ ولا فيه جهة بتعمل دراسة عن الجرائد اليومية؟
لكن بعض التعليقات على منشور كتبته الزميلة هبة ياسين، كشف بعض التفاصيل الجديدة عن هذه السيارة، وأنها من النوعية النادرة التي قد يصل سعرها إلى 3 ملايين جنيه.
وردت صحيفة «الأهرام» بأن هذا الإعلان عادي جدًا ولا يوجد فيه ما يثير الغرابة، وقال الكاتب الصحفي بالأهرام فتحي محمود، إن هذه السيارة يصل سعرها إلى 3 ملايين جنيه، فليس غريبا أن ينشر عنها إعلان بـ 40 ألف جنيه.
