حمو بيكا: أنا المدرسة اللى طلعت حسن شاكوش وعمر كمال
كتب: نسرين إبراهيم
أكد مؤدي المهرجانات حمو بيكا، أنه يعتبر نفسه المدرسة التي تخرج منها مؤدي المهرجانات، وكل مغني المهرجانات جاءوا له في البداية منهم حسن شاكوش، وعمر كمال، وعنبة.
وقال حمو بيكا ضمن برنامج «العرافة» مع الإعلامية بسمة وهبة قائلا: «أنا المدرسة اللى طلعت حسن شاكوش، وروبى محمد ورمضان مبيعرفش يغنى، حتى لو أعلى مشاهدة في الوطن العربي أنا أقدر أعمل كده».
وأضاف: «أنا مؤدي وبعترف إن مؤدي، وحسن شاكوش مصطنع وبيتصنع على الناس ومتكبر ومغرور، أنا المدرسة اللي طلعت حسن شاكوش، شاكوش مكنش عنده استوديو وبيحط ممول عشان أغانيه تجيب مشاهدات، أول أغنية عملتها لحسن شاكوش جابت 15 مليون مشاهدة، وأنا اللي طلعته للنور ولما اشتهر والغرور خده مني بقى يعمل أغاني لوحده».
وعن تأثير قرار مصطفى كامل نقيب الموسيقيين، بعدم استخدام الألفاظ والكلمات المبتذلة بالسلب على المشاهدات، قال: "بيوجهنا للطريق الصح، وكنا محتاجين حد يقولنا كده من زمان، والأول مكنتش فاهم كويس، وراضي تماما بعدد المشاهدات الحالية بعد قرار نقيب الموسيقيين، ولو بيسمعني 10 آلاف فقط راضي تماما"
وعرضت حلقة مغنى المهرجانات حمو بيكا، على قناة «القاهرة والناس»، في برنامج «العرافة»، الليلة أثناء الإفطار مباشرة.
